كلمات يا مرحبا ما ناح طيرٍيا مرحبا ما ناح طيرٍ على الرّف غَنَّى بساجِعْ صُوتْ وقت المصيفي
وما ناحت الورقا على عالي أشْرُفْ تالي الرّبيع وْمْجِدِمَاتْ الخريفي
قم يا نديبي رُوْحْ مِنّي مكلَّفْ لِلّي بخصَّاتْ المحبّه عريفي
يا من على شكواي ينّجِد ويسعفْ واَنّا على منواه حَرْصٍ لهيفي
لو يطلب اللّي في الأمور اتكلّف لجل الخوي كلّه علينا خفيفي
يشكي ويبكي ناظره دوم يذرف وكثر البكا ما زاده إلاّ لهيفي
والحب دايم من طباعه اتِّعَسّفْ وِانْ طاع مثل امْطّاوِعَاتْ العسيفي
مرَّاتْ يتبزَى علينا وينكف وِيْبِيْن لك مثل النّفور المعيفي
ومرَّاتْ يتجنّّى وِعَنْ وصله ايْشِفّ ومرَّات لك مثل الِلّزِيمْ الحليفي
ومتابعة ولفٍ على غير مولَف مثل النِّكيفْ وتابعات العِطيفي
الاّ أنْ يداري له محبّه وينصف ويدراه مثل الضّايف المستضيفي
يا من بحبّه لي عَلَيْ جار واسرف هو مِنِّهْ التّأثير وهو السّعيفي
حلو المزايا في جنابه تِلَطِّفْ مثل الْوَحَشْ الذَّايِر المستخيفي
جروح قلبي ما لها طِبّْ يعرف وجرح الهوى دايم غِبِيٍّ نزيفي
انا بحبّه دَايِمٍ واتشرَّفْ واحِبّْ حِبٍّ لو عليِّه كليفي
عدّْ الكريم وعَدّْ ما يبسط الكف سَلاَمْ لك يا ذا الجناب الشريفي
واعداد وسميٍّ ومن سحبه ادنف واعداد ما شَفّْ البخيل الشّفيفي
ميحد حمد كلمات أخرى
