كلمات نسيتوها



نِسيتوها مَحبّتْنا عَجَبْ وِشْلون تِنْسوهــا

رَحَلْتو عَنْ هَوَى العِشْرَة وَلا لَحْظَة تِفَكّرْتوا





رَغمْ كِلّ الوُفا مِنّا خَواطِرْنا كِسَرْتوهـــا

حَبايِبْنا وِشَ اللي صارْ عَجَبْ والله وْتِغيّرْتوا

جَرَحْتوها مَشاعِرْنا بَعدْ مانْتو سِقيتوهــا

بَعدْ كِلّ التَّـواضُـعْ هَـمْ عَلينـا كَمْ تِكبّرْتوا

وَ لا حَتّى طَرَتْ في بالِكُمْ أيّامْ عِشْتوهــا

مَعانا وِ الهَوَى يِشْهَدْ حَبــايِـبْ لَوْ تِنَكّرْتوا





نِسيتوا كِلْ أمانينا تِكابَرْتوا وْهَدَمْتوهـــا

وَلا مَرّة تِـخَيّلْتـوا تَعَبْنـــا أوْ تِصَوّرْتوا

وَطَتْ أقدامِكُمْ عالعاطِفَة وْمِنْ ثَمْ جَهَلْتوهـا

خَسارَة كِلّ هـالعِشْرَة تِضيــع وْلا تَأثّرْتوا

حَسافة لأجْلِكُم سالتْ مَدامِعْنا وْتَرَكْتوهــا

نَطَرْنـاكُمْ تِجوا عالـمَوْعِدْ وَلـكِنْ تَأخّرْتوا





وَهَبْناكُمْ مَحَبّتْنا وْأسَفْ والله خَسَرْتوهــا

تِلاشَتْ وِشْ يِفيد الحيــن لَوْ حَتّى تِحَسّرْتوا

زَرَعْنا من الفَرَحْ وَرْدَة وبْأياديكُمْ ذَبَحْتوها

كِفايَة مِنّكُمْ شِفْنا وْعَرَفْنا كَــــمْ تِحَجّرْتوا

رِجانا بَسْ وُصِيّتْنا أبَدْ لا لا تِرِدّوهــا

تِناسوْا كِـلْ مَحَبّتْنا إذا مَــــرّة تِذَكّرْتوا







محمد خلاوي كلمات أخرى