كلمات ألاَ يا مرحبَاألاَ يا مرحبَا حَيّْ بنفيحه
نسيم الشرق لَيْ يا بالجوابي
هلا بللّي عَرَفْ قاصي النّصيحه
كريم الأصل وأجدادٍ نْجَابي
تمثّلْ لِي ابْتَماثيلٍ صحيحه
وكلْ ما قال لِي فيها صوابي
تَرىَ في الناس أجناسٍ شحيحه
اتخيّل لك غديرٍ من سرابي
ايشوفون الأمور اللّي فسيحه
ابْعَيْنٍ حولها ضاق الرَّحابي
ولو رووك ضحضاحٍ أوشيحه
فلا يْغرِيْك من لك باينابي
لأنّك مِنْ هَلْ الجزلا الفصيحه
عَرِيِبْ الْعِربْ عالين الجنابي
شكيت من الهوى حّره أو لفيحه
وانْت ابشوق منسوع الّرقابي
خفيف الرّوح والنّفس المليحه
يسلّي من ابقلبه لكتئابي
عزيب الرِّيم في قفره نزيحه
وعين الْحِرّ لَيْ في راس نابي
له الصقّار لو يرضف بصيحه
غنيّ النفس ما حَدّه وْيَا بي
عجيد اليازيات اللّي سريحه
رعىَ عشب الشّوامخ في الرّوابي
سقا الله دارها يودٍ نضيحه
كسا لمِْغيِبْ ويسوّي احيابتي
وعود الموز والشّرتا لفيحه
هضيم الكشح لي زينه اعجابي
يصوِّبْ في الهوا وْيَشْفي جريحه
يعالج من يصيبه بِلْحَرَابي
محبّك لي بشُوشْ ولك نصيحه
وبيّن لك خِفَا ما صار غابي
تخيَّر له طريجه لَيْ تريحه
وعن العذّال سِرْبِهْ في تغابي
ختمت الجيل ببياتِ صريحه
جدا شهمٍ مسجَّلْ في كتابي
ميحد حمد كلمات أخرى