Album: A Capella

Et Wohrzeichen Vun Kölle

Küß de zoröck noh Kölle, met Auto, Bahn oder Bus
Us jeder Himmelsrichtung, dat Eine do sage muß
Küß de zoröck noh Kölle, sühs do vun wiggem schon
Et Wohrzeichen vun Kölle, dat es un bliev d'r Dom

Als domols vör 2000 Johr dä Römer bei uns wor
Hät hä uns de Kultur jebraat, dat es doch jedem klor
Dat Dorf heiß jetz Colonia, beschlossen se en Rom
Die Früchte d'r Gemeinsamkeit soh m'r noh kootem schon

Et wod jebrasselt un jebaut, jeder moht med ran
Bäder, Sauna, Wasserleitung, alls leef noh Plan
Doch dä allerjrößte Plan, dä kom nit us Rom
Dä kom vun Meister Gerhard, un dat wor d'r Kölner Dom

Küß de zoröck noh Kölle, met Auto, Bahn oder Bus
Us jeder Himmelsrichtung, dat Eine do sage muß
Küß de zoröck noh Kölle, sühs do vun wiggem schon
Et Wohrzeichen vun Kölle, dat es un bliev d'r Dom

D'r Meister Gerhard nohm d'r Block un fing ze mole an
Un saht, ich baue en Kirch su huh, do kütt kei Minsch mih dran
Die Bauzick schätz hä selvs op ca. 700 Johr
Un dodrop meint d'r Rot d'r Stadt: "M'r baue, alles klor."

Un su jing et immer wigger he un anderswo
Wo m'r hinlurt, bauen se de kölsche Himmel zo
Doch dat allerneuste Ding hät nit nur Jeld jekoß
Et Jrößte es en Kölle jetz d'r "Pimmel" vun d'r Poß