Album: Unbekannt
Queen Vun Dä Ihrestross

1)
Wenn ich dich met dä Type sinn,
dann fällt mir leider nix mieh en,
zo dinge Kleiderständer fählt mir jede Droht.
Wat wills du eijentlich noch met mir,
wenn du dich nur für mich jeniers?
Met dämm, wat en mir vüürjeht, häss du nix ahm Hoot.

Refr.:
Ich weiß, die Queen vun dä Ihrestrooß bess du.
Ich lieje wach un benn dä Daach ahm widderkäue,
hellwach, un jed Jeföhl verross.
Saach, weiß du ei`ntlich, wat du mich für Nerve koss?

2)
Während du durch die Jäjend fährs,
met ir'ndnem mejafrische Aktionär,
dä’n Weidenpesch sing Einlaufwedde setz,
dä dir VersaceFummel käuf,
häng ich he aff op minger Läuf,
duutmööd ahm Daach un nahx stonn ich em Bett.

Refr.:
Ich weiß, die Queen vun dä Ihrestrooß bess du.
Ich lieje wach un benn dä Daach ahm widderkäue,
hellwach, un jed Jeföhl verross.
Saach, weiß du ei’ntlich, wat du mich für Nerve koss?

3)
Em Winter Kaschmir, em Sommer Seid,
wiesu deiß du mir ei’ntlich leid?
Du als Tussi, nä, dat krie`isch nit en dä Kopp.
Wat jööv ich drömm, leets du mich kalt,
doch ich lauf römm met su ‘nem Hals.
Luhr en dä Spejel, du mutiers zur BarbiePopp!

Refr.:
Ich weiß, die Queen vun dä Ihrestrooß bess du.
Ich lieje wach un benn dä Daach ahm widderkäue,
hellwach, un je Jeföhl verross.
Saach, weiß du ei’ntlich, wat du mich für Nerve koss?