Album: Unbekannt
Stadt Em Niemandsland

Die Parkbänk sinn zem Övverwintre einjelagert,
un wie’t sching, passiert datselve für die nächste Zigg met mir.
Hann mich schon lang dodrop jefreut, ens widder Woozele ze schlaare,
nit, da’sch sesshaft weede, wollt, ich will mich opwärme bei dir,
Ich hann mch römmjedrivve. Ich hann mich ömjeluhrt.
Du bess hejebleeve – klar, du bess he fessjemuhrt.
Du bess die Stadt, die’sch nit als Stadt sinn, du bess Minsche, do bess
Stelle,
die, uss irjendeinem Jrund, mir ahn et Hätz jewahße sinn.
Du bess Jeseechter, junge ahle Lück, bess Zemmer, häss kein Strooße,
für mich sinn dat alles Strecke, die’ch erlevve sick ich Kind.
Du häss mich ussjedraare, du häss mich ussjespeut.
Ich hann mich affjenabelt, dat hann ich nie bereut.

Refr.:
Stadt em Niemandsland vun Preußen, off erbaut un off zerstört,
zweimohl dausend Johr möht heiße: „dann un wann dozojeliert“.

Ahl Diva, egozentrisch, eitel, komplimentesüchtig,
selvsverlieb, jraad su, als ob du’t wirklich nüüdisch hätts.
Met dingem Dom vun Kaisers Gnaden, dinger Altstadt,
die du „tüchtig“ ussverkäuf häss,
treudoof läufste jedem Stenz ins offne Mäzz.
Dat fingste och noch clever! Du denks, dat möht mer jetz.
Hühr zo: Dat jeht donevve, su wie du dich affhetz.

Refr.:
Stadt em Niemandsland vun Preußen, off erbaut un off zerstört,
zweimohl dausend Johr möht heiße: „dann un wann dozojeliert

Do’s uns’re Karneval, en dämm du – zur Unkenntlichkeit verstümmelt
–
dich ahn Bonze ranschmieß, Ostermann ahn Elferrööt verrööts.
Wa’sch met der decke Trumm verbinge, besse stekum weg ahm klüngle.
Et ess schon hatt met ahnzesinn, wie du öm Weltstadt-Flair bemöht bess.
Häss du dich opjejovve, ... dat, wat ding Seel ussmäht?
Du häss dich schwer verhovve, ding Lächeln wirk jequält.

Gläuv mir – ahl Mädche – ei’ntlich sollt dat Leed he saare,
da’sch dich jähn han, dich un ding Pänz, jrooß un klein,
doch „... wenn ich ahn ming Heimat denke“, rebelliert jet bei
mir’m Maare.
Wenn’sch op Stromlinie afführ, wöhr’sch anderswo doheim!
Du häss mich ussjedraare. Du häss mich ussjespeut.
Un wenn’sch op Heim ahnfahr, hann’sch dat noch nie bereut.

Refr.:
Stadt em Niemandsland vun Preußen, off erbaut un off zerstört,
zweimohl dausend Johr möht heiße: „dann un wann dozojeliert