Album: Carmina Pagana (2005)

Siamo Galli

Méll e méll 'n fà i Vilanoviàn
con i Etróssc i vivèven bän,
Una ziviltè tótta d artigiàn
sänza guèra e sänza padrån.
Mo dal Setentriån i migrèven zå
i demòni ciamè G'l Bå,
Pòpol ed guerîr ch?i an depredè
la padèna pió gran zitè.
Am'bil cómm l?urtîga al cûl
un Zélt l?era pròpri dûr:
Fénna la tèsta, gròs al br'z,
ma col tåuren brîsa pr un c'z.
Nå artigianè, såul cuntadén:
al cumêrzi l andé in pantàn.
Mo l?Inpêr Rumàn l êra instizé
e al mandé trai mélla suldè.
par concuistèr la zitè ocupè
e fèren un Pruteturè.
Bononia pó la dvinté di Rumàn
mo dl inpêr la s lavèva äl man.
Ancåura incû int i Bulgnîs
as vadd quelcôsa ed Zêlt:
L amåur par la bûrla e pr al zûg
e brîsa ûltum un côr ed fûg.