Boukwaaiten Jaantje songteksten

'k Was lest in n vremd restaurant, mos doar veur t aargste vrezen
Want lu doar waren nait te verstoan en menu-koart nait te lezen
Ze haren t doar over 'escargots dij smoort waren in bouillon'
Ik zee: "nou most es goud lustern knoap", dou ober noast mie ston



refrain:
"Dou mie mor:
Pankouk, povvert, laankmous, mosterstip
Boukwaaiten Jaantje, stopvaarf of petat mit n haalve kip
Stamppot sniebonen, boontjenat
Andievie mit deurregen spek
Boeskool mit n kaarbenoadje
k Lus sikkom ales, mor ik bin nait gek"



Dou ober mit t eten oet keuken kwam, verschoot e in ainen van kleur
Hai keek noar t bord en dou noar mie en wol der t laifst vandeur
Dou ik zag wat veur mie ston, wer k wel hail even roar
Slakken laipen mie zo van t bord, ze waren nog laank nait goar



refrain