In maai songteksten

'n Liester in veurmirregzun
Op zuik noar 'n vaaileg stee
Dat handsoam is veur 'n hail mooi nust
In bomen doar op ree



't Gaait hail dag deur, wat het ze 't drok
Nog even, din is 't weer maai
Kroamberre is din vast wel kloar
In aankieken van 't lutje aai



refrain:
'n Kievit dij hoest nait zo hoog
Dij nazzelt zok op grond
In 't gruinlaand, doar zit e geern
Mit 'n toeve op kop kikt 't rond
'n Swaalfke, dij blift dicht bie hoes
Dakgeut is voak heur stee
En wil ze gain gezoes om kop
Is braivenbus 'n goud idee



Doar hoog in d'olle ekkelboom
Is ''t n komen en goan
't Nije leven vlugt dommit oet
Zo gaauw 't op poten kin stoan



Aal joaren weer 't zulfde ritueel
Mor gain joar dat is geliek
'n Liester in veurmirregzun
Wat is 't leven toch riek



refrain