Midwinter songteksten

Midwinter in mien kinderjoaren
'k Wait nog goud hou 't was
't Waren de mooiste doagen van 't joar
Thoes in koamer 'n kerstboom dij wel drij meter was
Mit echte keerskes, balen en engelnhoar
Mit lutje zus hail vroug in murgen
Snijkerel moaken in toen
Hai druig op kop pa's zien swaarde houd
'n Woddel was zien neuze, haar 'n bezzem zo as 't heurt
Wie oapetruts, het ston hom ja zo goud



refrain:
Midwintertied veur jong en old
Binnen doagen woar elk en ain van holdt
Snij bedekt 't laand mit 'n loakenwit klaid
Sleekeschoeven, scheuveln op knoal
Snijbaaljen in winterkal
Doagen van laifde, vree, verdroagzoamhaid



Moeke mit heur kerstverhoal
Ze kon 't haildal oet kop
Vol aandacht lustern noar heur waarme stem
Over 'n Keunek, geboren hier hail ver vandoan
In 'n staal, in 't durpke Bethlehem
As pa 't op heupen kreeg
Speulde hai zien deuntje mit
Mondurgel van hom kwam din oet kaast
Mit ogen dicht speulde hai 'Ere zij God'
Soamen zongen wie 't verske 'Stille Nacht'



refrain



Dat is woar 't mit midwinter om gaait