Suzanne songteksten

Suzanne, neem mie mit, noar dij plek oet t verleden
Soamen hebben wie doar voak speuld
En ik wait nog wat wie deden
Jonges ruipen dak k n wichtergek was
En doarom heb k mie doodschoamd
Oschoon dat juust mien gebrek was
Want ik ging die dou oetschelden
En ook ging ik die vertellen:
"Hufst mie noeit weer of te hoalen!"
Ik begon al te verdwoalen
En heurde jonges blèren
Mor ik mog die zo geern lieden...
En ik wol wel mit die "hebben",
mit die noar d'overkaant
Want doe wast mien schier wichtje
En ik haar die in gedachten stief bie d'haand



Vraauw Schipper ruip ons binnen,
Dij veur t roam lag en zo blaik was
En zai pruit zaacht over vrundschop,
Zee dat zai al n levenlaank zaik was
Van gevuilens en t haart volgen,
Wat ook n aander doarvan vinden zel
Zai zee: "blief in t goie leuven
Laifde dij de mins verbinden zel"
Mor mien ogen gingen pas open,
Dou k al laank en braid van schoul was
En veule joaren vergleden,
k Wait nou wat dij vraauw Schipper heur doul was...
En ik wol wel mit die "hebben" ....



Suzanne, neem mie mit ,noar dij plek oet t verleden
Soamen hebben wie doar voak speuld
en ik wait nog wat wie deden
k Schreef dien noam groot mit n krietje
Dij zummermirreg opzied van t hoes
En gezichten waren de wolken
En haarst n winkelhoak in bloes
In toenpad bloumen plukken
Mit n lag op onze lippen
En van tiekjes in het zaand
Telden wie mo aal de stippen
Dou Suzanne mie stroalend aankeek
En ik wol wel met die "hebben" ....