Op 't rad songteksten

Op 't rad, daor wodt trad evat
Deur de bos en deur de heide
Heel alleen of met zien beide
Daor komt zee an



Op 't rad, daor wodt trad evat
Deur 't dal en langs de toppe
Vake zat in grote troppe
Geet 't verdan



Op 't rad, daor wodt trad evat
In riegen gaot de fietsers deur de welt
Strakke leggingboksen
Zee'j aover 't zadel zwoksen
Nemes wiet zon volk nog tegenholt



Tante Cato
Knaejt nog astertoo
Hef ne fietse veur de cross
Traent daormet in 't Idinkbos
De botte komt der good van los
Zee stont jo as ne koo



Gert van Tibbenbeer
Wil der achterheer
Smit zien fiets in 'n veerden gang
Stoekt beschreen op de stang
Barst dan los in jodelzang
Wat geet den kaerl tekeer



Aoverkempings Piet
Wil zien boekspek kwiet
De raeder raakt nog net de grond
't Schoem dat steet 'm veur de mond
't Zweit dat vlog in droppe rond
I-j gleuft jo neet wa'j zeet



Met de boek op 't stuur
Stuf hee deur de natuur
Dreumt van 'n zommer an 't strand
't Vel zo strak an alle kant
Mooie vrouwleu an de hand
En 'n goddelek figuur