Selen Cobben Hein songteksten

Bie os aan de moer hingt 'n sjilderie
van Selen Cobben Hein
Selen is 'n gehucht, Cobben haet mit de boerderie te make
En veur enne grootvader waar Hein 'n bietje klein
Hae waar de vader van mien vader
Ich kin neet zegke det ich 'm good hob gekos
Maar as kiendj veulde se det idderein nao 'm loesterde
Aan dae kantj van die familie van os



En tante Mie vertelt det hae mos gaon werke
Geliek nao de legere sjool
Zien mam waar toen net dood
Det d'r sjmorges vreug in 't duuster nao de fabriek vertrok
Om dao sigare te make mit vaol mismood



Toch vonj ich 'm enne zaachte aje man
Dae nooit al te vaol zag
En in de sjuur bie 't kippevoor dao hong enne tropenhelm
Ich hob altied gedach det Ome Piet dem oet Indie hat mitgebrach



Ich zeen opa veur mich
In det cafe dao baove in d'n hemel
Wo 't altied zondig is
En hae hoof nooit meer werke
Hae hoof nooit meer nao de vespers
En ouch nimmeer nao de hoogmis
En hae neuriet zaach mit:
En bie oze Ome Martien dao hadde ze ennen biljart
En bie Ome Bert sjtong veur de deur 'n rieke klump en sjoon Ome Tun waar
Bie de sjotterie
En van hem en Tante Mie kreeg ich dit fotobook
Wie ich de plechtige kommunie mosde doon



Ome Sjeng en Tante Nel vertrokke nao Canada
In 't jaor van de watersnood
Mien mam is dao nog gewaes mit de wereldtentoonsjtelling
Ich moch neet mit en ich waar heel kwaod
Det wei ich nag good



Ich zeen ze veur mich In det cafe dao baove in d'n hemel
Wo 't altied zondig is
Ze hove nooit meer werke
Ze hove nooit meer nao de vespers
En ouch nooit meer nao de gommis
En ze zinge zaach: