Ich höb dat besjlis neet allein songteksten

Ich zit hiej te druime zoa get veur mich, gedachte, die gaon al get wiejer veuroet.
Maak mich neet drök, dat höb ich gehad, me maak mich neet gek, nae dat bèn ich zat.
Jao, alles geit noe mit de Franse sjlaag, ich laef noe gans röstig, plök jee'dren daag.
't Hoof toch vandaag neet meè allenej aaf, ich bèn van mich-zelf geine sjlaaf.



refrain:
't Geit neet meè, 't geit neet meè, 't geit neet meè wiej ich dat wil.
Laeftied sjpeelt noe waal 'n groate rol, ens betaald jederein ziene tol.
Mien sjpiere doon neet meë allenej mit, gelökkig zit ich dao noe neet zoa mit.
't Geit ech neet meè wiej de tied veurhaer, al heij ich 't aaf en toe nog zoa gaer.
Zoa is 't laeve veur jederein, ich höb dat besjlis neet allein.



Ich höb noe geleerd röstig aan te doon, en ich mot zègke, ich vènj dat bès sjoan.
Pak mich biejein mit mien leve sjat, gaon lekker wanjele door de sjtad.
Bewieze hoof ich mich allang neet meè, ondanks dat alles bèn heel tevree.
Preuf van 't laeve zolang 't nog kènt, en veul mich nog aaf en toe kèndj.



Bèsse elenjig, veulse dich laeg, verlees nooit dien sjpas en dien mood.
Woo enne wil is, dao is enne waeg, dan geit 't dich jaore nog good.



refrain
Zoa is 't laeve veur jederein, ich höb dat besjlis neet allein.