Ènne kloon songteksten

Auch ènne Kloon mót waal èns bäöke
Auch ènne Kloon dae kènt verdreet
Biej de zörge van 't laeve
Of ein heel dreuvig leed
Zien traone mót hae bedwinge
Mer dat lök häöm meistal good
Want biej alle elenj
Geuf hae zich neet sjnel bloot



Mer es hae dan veur zien publiek sjteit
Dan veult hae zich metein weer Kloon
Duit hae de kènjer weer ammezere
Zuug häöm dan weer zien truukskes doon
Vergit de zörge dan veur aeve
Dènk allein aan wat hae mót doon
Hae geuf zich mit heel zien hart en zeel
Zó is 't laeve van eine Kloon



Auch ènne Kloon mót waal èns bäöke
Mer hae mót altied mer door
Es hae emes haet verlaore
Dae häöm deerbaar woor
Krit geine tied óm te treure
Want de zaal zit al weer vol
Mer es hae dan allein is
Maalt 't door ziene bol