Ik zel altied aan die denken songteksten

Der binnen minsen in mien leven
'k Heb ze altied om mie tou
't Is as lucht die ik inoadem
Ze waren der dou, ze binnen der nou
En inains is alles aans
't Is zo mor doan, wat het 't veur zin
Wat mie zo gewoon tou leek
Aal wat k nou nog zeggen kin



Ik zel altied aan die denken, veur die zorgen as ik kin
In goie en minne tieden, ook as ik nait bie die bin
Ik zel altied aan die denken, ook aal gait 't nait zo ast wilst
Ik zel altied aan die denken, ook ast doe nait bie mie bist



Ach, 'k haar 't nait in de goaten
't Ging veul gaauwer as ik docht
Dingen doar 'k nooit bie stilston
Dag dij altied 't zulfde brocht
Der is allint 'n lege plek
Op 't stee doarst doe ooit wast
En nou 't aigenlieks te loat is
Hol ik die in gedachten vast



En as ik die din zo stoan zai
Hest dien leven nog veur die
't Ainege wat 'k doun kin
Die vangen in 'n melodie
Stel veuraal nait oet tot loater
Toukomst is te ongewis
Want wel kin mie garanderen
Dat ter nog 'n loater is