Niks nijs onder de zun songteksten

Der wordt n kind geboren in n voele steeg in n hoes van kerton
Dak van plastic in 'n wereld van beton
Op lappen en polten bie n open rioleren
Aine van veulen dij zellen creperen



Te klaain en te aarmzoaleg om veur zok zulf te strieden
Haalf levend en haalf dood, liedend om te lieden
Mit zwellen om ogen en muggen om Mond
Veuls te dunne baintjes en 't lief veuls te rond



Mor geef mie dien haand en kiek nait in de kraant
Hol dien gedachten verre
't Is altied zo west en 't zel altied zo goan
Ver van ons berre
Niks, niks nijs onder zun of moan
Niks, niks nijs onder zun of moan



Der ligt 'n kind te staarven aan d'kaant an d'weg veur 't leven begon
Zunder benul woarom het beston
De roaven stoan kloar en zellen gain troan vergaiten
En wie, och wie, wie willen 't nait waiten



Veur 't ideoal van 't voaderlaand wordt ter mit bommen smeten
Geld veur woapentuug en niks om te eten
En rieken worden rieker en wonen op stand
En sloeten heur ogen, stoan aan de kant