Zoveul te doun songteksten

Dikke grieze wolken schoeven veur ain blaauwe lucht
Hier is 't woar ik wezen wol, hier heb 'k zo laank noar zocht
De wind bloast om mien kop, net as e vrouger dee
Hier was ik klain, kist net nog zain, dat huus ons aigen stee



Mien kop wordt koaler en het hoar wat overblift wordt gries
Mien vraauw zegt voaker bist wel oalder or nog nait goud wies
Bin op de helft van mien bestoan, dat vuil ik nou steeds meer
Wat west is, dat komt noeit weerom, dat wait ik en dat dut zeer



('k Heb nog) zoveul te doun, bin nog lang nait kloar
En ik heb al te veul tied verknoeit
Zoveul te doun, het mot nou gebeuren
Wat aans wordt het noeit



't Is vrumd om hier te stoan, want de tied stait even stil
Kiek nou achterom, wat ik aigleks nait meer wil
Hier woar 'k vrouger speuld heb, neem ik ain besluut
De rugge recht, de kop omhoog, het leven gait veuruut